GIHULAT pa sa konseho ang resolusyon nga naga-authorize sa mayor aron mabayran ang mga hotel sa GenSan nga gigamit isip quarantine facilities.
Segun ni Kagawad Franklin Gacal Jr. nga nadungog niya kang Kagawad Vivencio Dinopol nga ang Special Bids and Awards Committee o SBAC na ang muhimo og resolusyon inay ang konseho alang sa maong katuyuan.
Ang maong lakang matud pa sa SBAC ang gikatingala sa konsehal tungod kanhi na nagbutyag nga nahuman na ang ilang transaksyon.
Nagduda usab si Gacal kung aprobahan sa COA ang himuong bid sa SBAC tungod wala man kini miagi sa saktong proseso.
Sa pagtuo usab sa konsehal abandoned plan na ang pagduso og resolusyon ug gitugyan sa SBAC ang paghimo og lakang.
Sa laing bahin, gibutyag usab niini nga wala gihapoy update ang cash gift alang sa mga magtutudlo nga dugay na nga natanggong.
