Patay na nang matagpuan ang isang lalaki matapos umanong gilitan ng leeg ng hindi pa nakikilalang suspek sa Purok 6 Sitio Tagumpay Brgy. Inagawan- Sub, Puerto Princesa City.
Ayon sa panayam kay Ex Kgd. Gernando Dancil ay halos maputol ang leeg ng biktima na kinilalang si Richard Dela Cruz nang ito ay makita bandang alas-sais ng umaga kahapon, ika-17 ng Nobyembre.
Kinumpirma ni Dancil na ex-convict o dating bilanggo si Richard at wala itong pamilya na kasama sa kanyang tinitirhan sa lugar.
Samantala, wala pa ngayong lead ang pulisya sa nangyaring krimen pero patuloy itong iniimbestigahan.
