PAG-STOCK FILE sa fertilizer product sa mga dagkong nasud, Covid-19 pandemic ug pagsaka sa presyo sa petrolyo sa kalibutanong merkado, ang mga rason sa pagsaka sa presyo sa abono sa nasud nga nakaapekto sa mga mag-uuma.
Matud ni Department of Agriculture (DA) Secretary William Dar sa press conference sa General Santos City ang problema ang “global phenomenon’ tungod dunay mga dagkong nasud sama sa China, India ug Brazil. Ang mipalit na og daghan abono nga rason sa pagsaka sa presyo ug ang Pilipinas ang walay factory fertilizers. Gi-adopt na nila ang balanced fertilization strategy asa ang supply sa abono dili na lang inorganic tungod gidugang na ang organic inputs.
Epekto usab kini sa Covid-19 gumikan sa mga restrictions naglisod ang transportasyon ug pag-ship sa produkto. Gumikan niini, giduso sa DA ang pagpangayo og dugang P40 bilyon budget sunod tuig. Tumong makahatag og subsidiya sa mga mag-uuma nga miaray na sa epekto sa pagsaka sa presyo sa abono.
Ang pagpangayo og dugang pondo ang dungan sa pag-reduce sa ilang proposed budget sa 2022 gikan sa P231 bilyon naa na lang kini sa P91 bilyon. Una nang, mikalampag ang mga mag-uuma tungod sa kataas sa presyo sa abono miubos ang ilang kita. ( Richel Gubalani)
