Salbar nga paligsan ro baybayon sa isla it Boracay sa pihaki it presensya it eumot o algae sa isla.
Ro nasambit nga pahayag hay base sa ginpaguwa nga press release it Boracay Inter-Agency Rehabilitation Management Group (BIARMG) pinaagi it DENR-EMB Region 6 kung siin, suno kay BIARMG General Manager Martin Jose Despi, regular segun sanda nga nagapatigayun it water quality testing sa isla.
Base sa official water quality report, ro fecal coliform level sa front beach hay sa 8mpn/100ml ku Enero 2022 ag 11mpn/100ml ku Pebrero.
Ro resulta hay naga kumpirma nga ro baybay sa isla hay nakakasabat sa water quality standards para paligsan it tawo.
Ro presensya segun it eumot o algae hay sangka natural phenomenon nga nagaguwa kada dry season o summer.
Makasiguro segun ro mga turista sa Boracay nga malimpyo ag salbar nga paligsan ro baybayon sa isla.
Ginhimo ro pagklaro ni Despi kasunod it pilang artikulo ag litrato nga nagaguwa sa social media platforms nga ro baybayon sa Boracay ay mahigku ag bukon it salbar nga paligsan it publiko. / ANN DESLENE SALAZAR
