Sugod sunod semana laumang ideploy na sa lokal nga panggamhanan ang bag-ong batch sa deputized personel nga gitahasang manakop og masinupakon sa pagsoot og face mask sa mga pampublikong lugar bisan sulod sa mga sa lokal nga buhatan sa gobyerno.
Sumala kang Public Safety and Security Command Center o PSSCC Chief Angel Sumagaysay, gimahulat na lamang karon ang mga ID’s aron magsugod na sa pagbantay ug panakop ang gatusan ka deputized city personnel.
Gitataw sa opisyal nga mahinungdanon ang mga ID nga lahi sa city employees, aron dunay pamatood nga gi-deputized sila aron manakop og violators sa Face Mask Ordinance.
Ang si kinsa mang madakpan isyuhan og citation ticket nga dunay multang P500 nag kinahanglan bayaran sa City Treasurer’s office aron dili mapasang-atanb og kaso sa korte.
Pahimangno sa PSSCC sa publiko nga batasanon ang pagsunod sa minimum public health standards bisan pa man nga gipaubos na sa Alert Level 1 ang syudad.BNFM-DAVAO
