Ro ginpalawig nga Bayanihan Bakunahan hay ginlampasan ro target number it mga indibidwal nga nabakunahan sa Western Visayas.
Base sa datos it Department of Health (DOH) Region 6, ro pagbakuna kuntra sa sakit nga COVID-19 halin ku Marso 10 hasta 18 hay may target nga 154,828 populasyon.
Pero ro aktwal nga numero it mga tawo nga nabakunahan hay nag-abot sa 156,828 . Raya hay kabieogan nga 101.77% accomplishment.
Ro probinsiya it Guimaras ro may pinakamataas nga rate it pagbakuna nga nagaabot sa 176.89% o 5,066 ka mga indibidwal. Ginsundan man it Bacolod City nga may 162.08% accomplishment rate o 20,688. Iloilo province nga may 153.34% o 46,782; Iloilo City nga may 109.44% o 9,039; Aklan nga may 102.93% o 9,700; Negros Occidental nga may 73.71% o 47,392; Antique nga may 73.59% o 9,740; ag Capiz nga may 66.07% o 8,421 accomplishment./JIL B. LACSON
