APRUBADO na sa Sangguniang Panlungsod (SP) sa GenSan ang “Bawal Bastos” ordinance nga giduso ni Konsehal Orlando ‘Odjok’ Acharon.
Tumong niini ang pagpahamtang og silot sa managhoy ug ubang gender-based harassment sa pampublikong lugar ug sa online.
Ang Anti- Catcalling ordinansa sa GenSan ang gi-adopt sa siyudad ilawom sa Republic Act 11313 o Safe Spaces Act. Matud ni Konsehal Acharon, ang polisiya ang naghatag og bili sa dignidad sa matag personahe ug girantiya ang dakong respeto sa tawhanong katungod.
Maghatag usab kini og pag-ila sa papel sa kababainhan sa nation-building ug gisiguro ang fundamental equality. Ilawom sa ordinansa, ang aksyon nga gikonsiderang gender-based street ug public spaces sexual harassment nga gihimo.
Mao ang unwanted ug uninvited sexual actions o remarks batok sa tao ‘regardless’ sa motibo. Lakip niini ang public masturbation o pag-flash sa pribadong parte sa lawas,groping o unsa mang unwanted advances.
Sa ordinansa, naa sa P5,000 ang multa; 40 ka oras community service;gender sensitivity seminar hangtud na sa pagkabalhog ang silot sa makasupak. I Richel Gubalani
