SUGDAN na karong semanaha ang konstruksyon sa multi-million underpass interchange project sa GenSan. Apan kabalaka sa mga konsehal ang epekto sa dagan sa trapiko atol sa konstruksyon ug epekto usab niini kung matanggong ang proyekto.
Matud ni Engr. Kay- Ar Bantayan, personahe sa Department of Public Works and Highway – Bureau of Construction (DPWH-BOC). Nalatag na nila kauban ang Public Safety Office (PSO) ang Traffic Management Plan (TMP) o re-routing sa mga sakyanan.
Usa sa alternatibong agianan ang hapit mahuman nga Olaer- Yumang bridge ug Villaconsuelo. Kung sugdan na ang konstruksyon sa proyekto sa Mabuhay- Bulaong ug Digos- Makar Road intersection.
Gikwestyon usab nilang Konsehal Jose Edmar Yumang ug Richard Atendido ang performance sa Vicente Lao Construction. Human sa delay sa expansion ug rehabilitation sa airport ug Olaer- Yumang bridge nga magamit na unta karon.
Gipatawag si Bantayan, personahe sa construction firm ug DPWH- GenSan district dungan sa pagduso sa resolusyon sa re-routing. Ang proyekto ang unang mega infrastructures sa ahensiya sa rehiyon ilawom sa build, build program sa administrasyon.
Tumong niini ang i-decongest ang bug-at nga trapiko ug luwas alang sa mga pedestrian. Ang proyekto ang dunay upat ka ‘phase’ nagkantidad kini og kinatibuk-ang P650 milyon ug naa sa tulo katuig ang idugay sa konstruksyon. I Richel Gubalani
Photo: Popo Ealdama
