NAGPAHIGAYON og board meeting sa Motorized Tricycle Franchising and Regulatory Board kun MTFRB sa GenSan sa pagpanguna ni Kagawad Atty.Dominador Lagare Jr. Asa usa sa nahisgutan ang pagmugna og bag-ong taripa sa pamasahe ug subay sa proposal, P18 alang sa unang upat ka kilometro ug dugang nga P2 alang sa musunod nga kilometro.
Ang MTFRB meeting nga gipangunahan ni Kagawad Lagare ang gitambungan usab ni Kagawad Odjok Acharon, mga anaa sa sector sa transportasyon sama ni White cluster president Raylin Pabriga, Red Cluster President Josue Fernandez ug Apple Green Cluster President Genaro Mission.
Anaa usab sa maong meeting ang representante gikan sa Consumers Welfare Council, PSO head Engr. Riza Paches , City Legal Office, LTFRB, Liga ng mga Barangay Representative.
Una nang gipasalig ni Lagare nga human nga ma-finalize ang fare matrix, iduso kini sa konseho aron maaprobahan ug mapatuman.
