SORSOGON CITY – Dinakip ng mga awtoridad ang Barangay Chairman sa isang buy-bust sa Brgy Banuang Gurang sa bayan ng Donsol, Sorsogon.
Dakong alas 5:00 ng hapon nitong Huwebes, nagsagawa ng drug buy-bust operation ang puwersa ng Provincial Drug Enforcement Unit ng Sorsogon Police Provincial Office bilang lead unit, PDEA-Sorsogon, Reg’l Drug Enforcement Unit 5 Team Sorsogon at ng Donsol Police na nagresulta sa pagkaaresto ng Kapitan ng Brgy Banuang Gurang na si Constantino Canon Cadag alias ‘Concon,’ 42-anyos, may asawa at naninirahan sa nasabing lugar.
Nasamsam sa suspek ang apat na sachet ng hinihinalang shabu na tumitimbang ng 10 gramos at nagkakahalaga sa ‘drug market’ ng P68, 000.00.
Nabatid na si Cadag ay kasama sa Regional Recalibrated Database on Illegal Drugs.
Nahaharap na ito ngayon sa kasong may kinalaman sa iligal na droga.
PHOTOS: exclusive for Brigada News FM-Sorsogon
