Nakahunong na sa lock up cell sang Pontevedra Municipal Police Station ang isa ka bantog nga kawatan sa syudad sang Roxas matapos nagpangayaw sang pangawat sa nasambit nga banwa.
Sandig sa impormasyon nagikan sa Pontevedra PNP, nagpadulong sa ila estasyon ang wala na ginhingadlan nga biktima nga isa ka negosyante agud i-report nga siya ang ginkawatan sang cellphone.
Ginkilala ang suspek kay Albert Dalida alyas Spiderman, 40-anyos, residente sang Barangay 9, Roxas City.
Gilayon nga nagpatigayon sang operasyon ang mga kapulisan kaupod ang mga barangay tanod sa sulod sang merkado sang Pontevedra kag didto nakit-an ang suspek nga nagarobbing kag natigayon ini nga madakpan.
Nahibaluan nga madamo na sang nabiktima ang suspek sa syudad sang Roxas apang wala gid ini na pasakaan sang kaso.
Sa karon, desidido ang biktima nga magpasaka sang kaso batuk sa suspek agud indi na makapangbiktima pa. | Judy Ann Juare
