Bangkay na sang masapwan ang isa ka miyembro sang LGBTQ matapos ginaalegar ginlabo sa Sitio Agkaningay Brgy. Burias, Mambusao, Capiz.
Ginkilala ang biktima kay Rosalie Danieles, 56-anyos residente sang nasambit nga lugar.
Sandig sa inisyal nga imbestigasyon sang Mambusao Municipal Police Station, nasapwan na lamang ni Daisy Obamos, 66-anyos residente sang Sitio Binlit Brgy. Bilao Sapian ang biktima nga nagakayaon kag wala na sang kabuhi sa may kasagingan 30 metros ang kalayuon sa iya puluy-an.
Ginapahayag nga ulihi nakit-an ang biktima takna alas 10 sang aga, Biyernes nga adlaw, Abril 21 sa balay ni Edwilyn España nga nagabulig preparar sang lulutuon para sa fiesta samtang sila ang naga-inom inom.
Sa karon, padayon pa ang imbestigasyon sang Mambusao PNP agud matumod ang suspetsado sa paglabo patay sa biktima. | Judy Ann Juare
