Swerteng wala naugdaw ang tibuok dos andanas nga abandonadong balay human nasunog diha sa Purok 1, Brgy. Fort Poyohon, Butuan City pasado alas – 5:45 kagahapon sa hapon.
Ang maong panimay gipanag-iyahan ni Cesar Sia Palma, 26 anyos, minyo, isa ka negosyante.
Sa imbestigasyon ni F03 Ben Peletero, ang Fire and Arson Investigator sa Bureau of Fire Protection (BFP) Butuan, nasunog ang balay tungod sa aligato nga nanglupad gikan sa nabiyaang hinaling nga mga layang dahon nga gidagkotan sa mga nagduwang bata daplin sa kalsada.
Mokabat sa P50,000 ang gibana-banang damyos sa maong insidente.
