Base sa pinakabag-o nga rekord it DOH kahapon, ro probinsya it Antique, Aklan, ag Guimaras hay sa idaeom eun it Alert Level 4 bangud sa mataas nga kaso it COVID-19.
Samtang, sa Alert Level 3 ro probinsiya it Capiz, samtang ro Bacolod City ag Negros Occidental hay sa Alert Level 2.
Ro antas it COVID-19 infection sa sambilog ka lugar hay base sa transmission, healthcare utilization rate, ag pag-angkun it presensiya it Delta variant sa lugar.
Ginpakita sa datos it DOH Region 6, nga ro Antique hay may 22 kaso it Delta variant, Iloilo nga may 10; Capiz, nga may 2; Iloilo City, nga may 4; ag Bacolod City, nga may 2.
Sa presente, uwa pa it narekord nga kaso it COVID-19 Delta Variant sa mga probinsiya it Negros Occidental, Aklan, ag Guimaras.
Ro Aklan hay may 10,165 kabilugan nga kumpirmado nga kaso it virus. 1,785 ro aktibo, 8,205 man ro narekober, ag 96 ro mga namatay.
Ginpahayag ni DOH undersecretary Maria Rosario Vergeire nga ro mga lugar nga sa Alert Level 4 hay may mga mataas nga case count it virus ag mataas nga HCUR bisan pa ro mga lugar ngara hay uwa it narekord nga Delta variant./JIL B.LACSON
