Tuluyan nang nakalabas ng bansa ang Tropical Depression #ButchoyPH.
Ayon sa PAGASA, wala na ito sa loob ng ating Philippine Area of Responsibility.
Samantala, huling namataan naman ang Bagyong #CarinaPH sa layong 510 kilometro, silangan hilagang silangan ng Virac, Catanduanes.
Taglay nito ang lakas ng hangin na aabot ng 55 kilometro kada oras; at bugsong papalo ng hanggang 70 kilometro kada oras.
Kumikilos ito sa direksyong pa-kanluran hilagang kanluran sa bilis na 30 kilometro kada oras.
Ang dalawang bagyo ay kapwa walang direktang epekto sa bansa.
Sa kabila nito, pinalalakas pa rin nito ang umiiral na Southwest Monsoon, ‘o ‘yung Hanging Habagat na magpapa-ulan sa malaking bahagi ng bansa.
Hindi rin isinasantabi ng PAGASA ang posibilidad na bahagya pa itong lumakas, at maging isang Tropical Storm sa mga susunod na araw.
