Magamit na ang bag-ong nahuman nga Port of Babak sa Island Garden City of Samal, Davao Del Norte.
Matud kay Department of Transportation (DOTr) Secretary Arthur Tugade, sa umaabot nga adlawng Sabado, May 29 himoon ang blessing ceremony.
Matud sa Kalihim nga kung kaniadto maggoot ug mabulad sa adlaw ang mga pasahero samtang naghulat sa ilang biyahe padulong sa Davao City, karon mamahimo nang kumportable ang mga byahero.
Pinaagi matud pa sa tabang sa Philippine Ports Authority, sa pagpanguna ni GM Jay Santiago, nahuman ang port development project sa Port of Babak nga dunay bag-ong Port Operations/Terminal Building nga kayang maka-accommodate og sobra 250 ka pasahero.
Naglaom ang opisyal nga mas molambo pa ang ekonomiya sa Davao del Norte ug kasiktbit nga probinsya tungod sa maong proyekto nga kabahin sa “Build Build Build” Program sa gobyerno. BNFM-Davao
