MAKATO, AKLAN—Naka-lockdown do munisipyo it Makato, Aklan hasta sa Biyernes, Mayo 28, 2021.
Raya hay matapos daywang empleyado kara do nagpositibo sa coronavirus disease.
Ginpahayag ni Mayor Abencio Torres nga magapatigayon it contact tracing sa mga nakasalamuha it nasambit nga mga empleyado ag magapatigayon man it pagdis-infect sa mga taeatapan sa bag-ong municipal hall.
Samtang, may una sigon sa makarun nga 100 ka mga residente nga naka-isolate matapos nga ginpaidaeom sa lockdown do 75 nga mga kabaeayan sa Sitio Bokbok, Happy Village, ag Sitio Borderline nga sakop it Barangay Calangcang, Makato, Aklan.
Nasayuran nga nag-umpisa do local transmission sa nasambit nga lugar matapos mamatay do sangka 54 anyos nga babayeng residente nga nauna eon nga gindeklara nga namatay bangud sa sakit nga diabete kung siin ginpaglamayan pa raya it andang mga himata at iba pang residente.
Ulihi eon natukiban nga do igmanghod kara nga 68 anyos nga nag-alaga kana hay namatay dahil sa COVID-19. // SHERRY ANNE REUNIR-VIDAL
