Moabot na sa 138, 334 ka bakuna ang naadminister sa Department of Health-XI sukad gisugdan ang vaccination sa rehiyon niadtong bulan sa Marso karong tuiga hangtud Mayo 23.
Base sa datus sa ahensya, anaa sa kinatibuk-ang 241, 856 ang alokasyon sa fisrt dose og kapin 138-mil na ang nahatag sa mga recipients o anaa pa lamang sa 62.36%.
Alang sa second dose, anaa sa 129, 865 ang alokasyon ug anaa pa lamang sa 39,116 ang naadminister o 25.75%.
Subay usab sa data, moabot sa 98,257 nga nalakip sa A1 priority group ang nabakunahan gikan sa orihinal nga 84, 692 sa masterlist kung asa 39, 116 ang nahatagan na sa second dose.
Samtang A2 o mga senior citizen, anaa pa sa 40, 059 ang naturukan gikan sa 353, 268 sa masterlisted elligible population.
Nakatala na usab ang DOH-XI og 2,340 minor adverse event ug 21 na ang nakasinati sa serious side effect sa bakuna.
Tungod niini miapela si DOH-XI Regional Director Anabelle Yumang sa publiko nga nalakip sa mga priority list nga ibutyag nang daan sa screening pa lamang kung dunay allergy sa bakuna o mga pagkaon.
Hinoon ang maong data gikan sa DOH niadto pang Mayo 23 ug padayon pa kining nadugangan sanglit nagapadayon usab ang vaccination sa nagkadaiyang LGU’s gamit ang 371, 730 allocated CORONOVAC sa Davao Region.
