DUNGAN sa paglingkod sa pwesto sa bag-ong labaw sa General Santos City Police Office (GSCPO), gilusad niini ang Oplan Tanglaw Lahi. Pasabot mao ang Terorismo At Negatibong Grupo Labanan At Wakasan Lokal Na Awtoridad At Henerals Ay Magka-Isa.
Ang bag-ong slogan sa anti-criminality campaign sa GSCPO mao ang awhagon ang publiko nga makig-tinabangay kanila aron batukan ang kriminalidad ug terorismo nga posibleng mahitabo sa dakbayan.
Matud ni PLt. Col. Aldrin Gonzales, tigpamaba sa GSCPO ang tanang ang dunay responsibilidad sa pagpagpasiguro sa seguridad sa lugar hinungdan sa pag-apela nila kanunay sa publiko nga makig-tinabangay ngadto kanila pinaagi sa pagsumbong ugaling dunay nabal-an sa nahitabo krimen.
Ang paglusad sa kampanya batok kriminalidad ilawom sa pagdumala ni Col. Paul Bometivo, ang bag-ong city director, butyag ni Gonzales ang lakip na sa lakang nila sa paghatag og seguridad sa eleksyon.
Una nang, gibutyag sa kapulisan nga miubos ang ihap sa krimen nakalabay’ng tuig partikular na ang pagpamusil. Sagad sa insidente ang naresolba nahuman napasakaan og kaso ang gituohang mihimo sa krimen. I Richel Gubalani
