GIKUMPIRMA sa labaw sa Land Transportation Franchising and Regulatory Board kon LTFRB 12 nga hapit na ma-release ang pondo alang sa Libreng sakay Phase 3 ug ang maayong balita kay maapil na ang mga tricycle franchise holders sa ayuda.
Sa kumpermasyon ni Director Renato Padua sumala niini nga ang tentative nga pag-release sa pondo sa katapusan sa bulan sa Pebrero o kaha sa bulan sa Marso 2022 apan dili pa siya sigurado sa saktong petsa.
Gidugang ni Padua nga mokabat sa P7 billion pesos ang pondo nga aprubado alang sa Libreng Sakay Phase 3 alang sa mga Transport Coop nationwide.
Samtang adunay maayong balita gikan sa LTFRB gumikan ginahan-ay na karon ang kasabotan tali sa Department of Transportation, LTFRB ug sa Land Bank kalabot usab sa ayuda nga ihatag sa gobyerno alang usab sa mga ticycle franchise holders.
Gipaklaro ni Padua nga sa iyang pagkasayod dili kini ipaagi sa mga Local Government Units gumikan sa election.
Samtang nagpaabot usab og pasalamat ang pangulo sa pula nga cluster nga si Joshue Fernandez sa mao nga maayong balita gumikan dugay na sila nga nangandoy nga makadawat usab og ayuda gikan sa gobyerno ug karon matuman na.
Kahibaluan nga sa pula nga cluster sa tricycle gilangkuban na kini sa walo ka mga barangay sa Gensan. I Ver Diazon
