Arestado ang isa ka babayi matapos nadakpan sa akto nga nagapataya sang ilegal nga STL bookies sa Brgy. Tico, Panay, Capiz takna alas 3:20 kahapon sang Lunes.
Ginkilala ang naaresto kay Marissa Dacibar, 35-anyos, kolektor sang STL Bookies kag residente sang Sitio Tico, Brgy. Tabuc, Pontevedra.
Narekober sa posisyon kag kontrol ni Dacibar ang isa ka P20 paper bill nga bet money, isa ka bundle stub sang cotejo nga may nagkalain-lain nga number combinations, duha ka ballpen, P569 nga cash sa nagkalain-lain nga denominasyon kag isa ka bag nga nagaduag itom.
Sa karon, yara na sa kustodiya sang Panay PNP ang suspek kag natalana nga pasakaan sang nagakaigo nga panumbungon. | Judy Ann Juare
