Nag surrender sa Makato MPS ru sangka babaye nga kaibahan it extortionist CTG Member nga naaresto it gin sanib nga pwersa it Aklan PPO, APF ag PNP sa sangka mabahoe nga construction company sa Brgy. Calangcang, Makato, Aklan.
Sa sangka Press Conference, gin komperma it Philippine National Police ag Armed Forces of the Philippines ru pag surrender ni Maria Rita Nagrama Alyas Max nga active member it CTG.
Padayon ru pag panawagan it PNP nga mag balik eon sa sabak it gobyerno ru iba pang mga myembro‘t NPA.
Samtang, kompermado man it PNP nga may mga mabahoe nga construction firm ag mga negosyante sa Aklan nga naka baton it sueat halin sa mga NPA nga naga pangayo it revolutionary tax.
Umapila ru mga kapulisan sa Aklan nga indi mahadlok ag mag pangayot bulig sa mga kapulisan agud matapna eon ru insurgency sa probinsya.
Kun matandaan, nadiskobra nga aktibo eon ru Communist Terrorist Group (CTG) sa Aklan matapos ma aresto si Prince Egudas nga taga Tapas, Capiz.//MARIVIC Y. ILIN
