Gikustodiya karon sa DSWD sa lungsod sa Argao ang usa ka 17 anyos nga babaye nga giingung napadpad sa kadagatan sa Argao samtang nagsakay sa iyang sakayan ug naagian og kagabhion sa lawod.
Usa ka mananagat sa Brgy. Langtad, Argao nga si Jeymar Villamora ang nakakita sa maong babaye nga nag abay sa sakayan nga na ligo sa lawod didto sa Brgy. Casay Argao alas 12 sa udto kagahapon Hulyo 15, 2024.
Giingung na ligo sa lawod ang maong dalaga kay nindot matud pa ang dagat sa maong dapit kay color blue.
Gipasakay ni Jemar og balik ang maong babaye sa sakayan niini ug giguyod sa iyang pumpboat ug gidala ngadto sa Bantay Dagat sa Poblacion Argao ug pagkahuman gidala ngadto sa Brgy Kapitan sa Poblacion.
Mipaila matud pa ang babaye nga usa ka Zen Auguis nga matud niini taga Isla Kasambagan, Pitogo Bohol.
Miingun matud pa ang maong babaye nga nag suroy suroy ra siya ug gi tumong ang mga ma kitang mga bukid .
Nag sugod matud pa siya sa iyang pag bugsay bugsay sa sakayan sa iyang papa nga si Denis mga alas 4 sa hapon Hulyo 14, 2024 ug nahibawo ang iyang papa nga misuroy siya apan ang iyang mama nga si Rodah ang wa masayud.
Nagbawon matud pa og kan-on , buwad ug tubig, ang maong babaye sa iyang pag soroy soroy sa kadagatan nga na gabhian ug buntagan, apan wa matud pa siya mahadlok kay anad na siya.
