Preso makara ro sangka babaye ag tatlo nana kara nga kaibahan matapos magwala sa sambilog ka videoke booth sa Cebu City.
Base sa report it mga kapulisan, nagsueod ro grupo sa sambilog ka KTV bar sa Barangay Bulacao, Cebu kung siin nag-order pa sanda it mga pagkaon ag alak.
Pero matapos mahilong, bigla eun eamang nga nagwala ro sangka miyembro it grupo nga ginkilaea nga si Ederlina Pelamin, sa legal nga edad.
Base sa pahayag it tag-ana it bar, gin-eampusan it babaye ro TV gamit ro banko.
Ginsaysay man ni Pelamin nga ginhimo nana raya bangud sa kaugot matapos gin-aywanan it anang live in partner.
Sa ulihi, nakipag-areglo ro tag-ana it bar nga bayran eun eamang ro mga nasamad nga kagamitan ag indi eun magpasaka it kaso kuntra kanda./JIL B. LACSON
