Dead on the spot ang usa ka babaye human gipusil sa wala mailhing suspek sa Purok Sampaguita, Brgy. Poblacion Matanao Davao del Sur alas 6:00 kagabie, Nobyembre 13, 2021.
Ang biktima giila nga si Dorothy Bantilan usa ka encoder sa Rural Health unit.
Subay sa report sa Matanao Police, anaa sa gawas sa tindahan ang biktima kauban ang iyang anak ug mga kabanay dihang kalit miabot ang riding in tandem ug gipusil ang biktima dayon sibat.
Samad pinusilan sa ulo ug liog ang nahiaguman sa biktima hinungdan sa iyang kamatayon.
Padayon pang giimbistigahan sa otoridad ang motibo sa krimen ingon man identity sa mga suspek.BNFM-DAVAO
