Natagpuan ang bangkay ng isang babae sa isang creek sa pagitan ng Tabang, Guiguinto at Tikay, Malolos sa Bulacan nakaraang Martes ng hapon.
Ayon kay Acting Bulacan Police Provincial PNP Director PCOL Charlie Cabradilla, kinilala ang biktima na si Princess Dianne Dayor, 24-anyos at residente ng Brgy Tabang, Guiguinto, Bulacan.
Nakilala ng kanyang pamilya ang biktima dahil sa tattoo nito at ilan pang personal items.
Base sa ulat, huling nakita ang biktima noong July 2 ng umaga sa Bgy. Tabang, Guiginto na papasok umano sana trabaho at tatlong araw ang nakalipas bago nakita ang katawan nito na wala ng buhay.
Lumalabas sa imbestigasyon ng PNP, na nawawala ang iPhone11 at wallet ni Dayor.
Nagpapatuloy ang imbestigasyon ngayon ng mga otoridad sa pagkakakilanlan ng posibleng suspek habang sigaw naman ng pamilya ay mabigyan ng hustisya ang sinapit ng biktima.//Jen Bayot-BNFM OLONGAPO
Photo: Bulacan PPO
