Ginakabig ni Negros Occidental Provincial Administrator Atty. Rayfrando Diaz II indi insakto nga papana-ugan sang sanctions ang mga Local Government Units nga may manubo nga numero sang mga nabakunahan nga mga pumuluyo.
Para kay Diaz ang pinakamaayo nga himu-on diri amo ang pagdihon sang mas agressibo kag epektibo nga vaccination, information kag implementation program.
Dugang pa ni Diaz, may kaangtanan sini nahilisugtan ang paglagda ni Governor Eugenio Jose Lacson sang isa ka memorandum naga-appoint kay Dr. Claudella Josefa Pabillo, ang Chief of Hospital sang Lorenzo Zayco District Hospital sa syudad sang Kabankalan bilang Covid -19 vaccination point person sang probinsya.
Bangud sini, ang kabilugan nga vaccination program sang probinsya kalakip na ang iya sang mga LGU’s ang magahalin sa iya nga talatapan kag upod sa iya sini nga team.
