Dating Assistant Jail Warden it Aklan Rehabilitation Center, dismayado sa pagka paeagyo it sangka inmate
Dismayado si dating Assistant Jail Warden it Aklan Rehabilitation Center Augusto Tolentino sa pagka paeagyo it sangka inmate ku nagtaliwna nga adlaw.
Suno sa pahayag sa BRIGADA News FM Kalibo ni Tolentino, dapat nga manami ru pag tratar it jail warden sa mga tawo ag inmates agud indi maka-isip it pag paeagyo sa rehabilitation center.
Ugali-on nga nakasuksok it uniform ru naga duty nga jail guard agud may pagrespeto ag dapat sigun nga i-train sa pag disiplina agud magasunod ru mga inmates.
Maging open sa pumueoyo ag preso ag kada adlaw hay may medical check up.
Ingkaso sigun nga maga guwa sa importanteng paeanawon ru inmate hay dapat may escort nga jail guard bilang pagsunod sa protocol. Nasayuran pa ni Tolentino nga may mga gwarding pabaya sa responsibilidad rason nga natatakasan eon it preso sa mismong rehabilitation center.//MARIVIC Y. ILIN
