LEGAZPI CITY – Nagkondusir nin assembly asin pagbabakuna an Albay Provincial Health Office (PHO) asin Albay Veterinary Office (AVO) sa Brgy. Vinisitahan-Napao, Bacacay katakod kan nairehistrong pagkagadan durante sa rabies.
Obheto kaini na matukduan an mga residentes mapadapit sa rabies virus asin an peligro kaini na salud asin sa kumunidad.
Nagsagibo man digdi ki assessment sa gabos na close contacts kan nagadan sa rabies nganing maaraman an eksaktong numero kan mga nakahalubilo kaini.
Katakod man kaini, pigheras man kan AVO an peligrong dara kan rabies sa mga hayop pati naman sa mga tawo, asin sinda man su boot an nangenot sa mass vaccination nin mga ayam kan nakalihis na semana sa naunambitang barangay. | Brigada Intern EUGENE ROTIAN