Nipatuman og border control ang Department of Veterinary Medicine and Fisheries (DVMF) sa dakbayan sa Sugbo, aron mamonitor ang pagsulod sa mga baboy sa dakbayan.
Kini subay sa report sa giingong pagkamatay sa labing menos pito ka mga baboy sa Barangay Bonbon, dakbayan sa Sugbo nga giingong nagpositibo sa African Swine Fever (ASF).
Matud ni Doctor Alice Utlang, pangulo sa Cebu City DVMF, namatay ang nasangpit nga mga baboy sa miaging Domingo ug gipaubos kini sa antigen testing homan giingong adunay mga simtomas sa ASF.
Samtang gihuwat pa ang resulta sa confirmatory test alang sa opisyal nga pag-verify , gihangyo ni Utlang ang mga hog raisers nga idili ang pagsulod sa mga middleman nga namaligya og mga buhing baboy sa tagsa-tagsa ka mga umahan, pagpahigayon og disinfection, ug pagsunod usab sa biosecurity protocols.//
