Pormal nga nag-kortesiya si BGEN. Alejandro J. Papa, PA, ang Army Signal Regiment (ASR) Commander kaupod ang iya team para sa ila pala-abuton nga exercise diri sa Probinsya sang Capiz.
Ang ASR, paagi sang ila nga One Army One Network nga programa, maga-conduct sang ila nga Communication and Electronic Exercise (COMMELEX) sa July 28, 2023.
Ang COMMELEX isa ka teknolohiya sa Philippine Army nga maga-hatag komunikasyon sa tion sang emerhensya kag mga kalamidad.
Magahatag man sila sang suporta paagi sang pag-provide sang Combat Radio System kag paghatag koneksyon para sa pagpadala sang mga rescue kag iban pa nga mga kinahanglanon sa tion sang unos.
Kaupod man sa sining pagpulong sanday, Board Members Trina Marie Ignacio; Jonathan Besa; Jose Fulgencio Del Rosario; Querubin Pamplona; Elmer Arevalo; Gilbert Ardivilla; kag mga katapo sang PDRRMO-Capiz.
