Boluntaryo nga ginsungka sang isa ka negosyante ang iya nga armas luthang sa mga kapulisan sa banwa sang Panay.
Base sa impormasyon nagikan sa Panay PNP, ginapahayag nga wala pa ma-renew sang tag-iya nga si Avelino Braña, 55-anyos ang iya isa ka unit nga caliber 45 pistol kag 1 magazine nga wala sang bala, rason nga ginpakamaayo sini nga i-deposito anay ini sa estasyon sang pulis samtang ginarenue pa ang lisensya.
Kabahin ini sang mas ginpasangkad nga kampanya sang kapulisan nga Tokhang Kontra Armas Luthang (TKAL).
Sa karon, yara na sa kustodiya sang Panay Municipal Police Station ang amo nga armas luthang kag natalana nga i-turn-over sa FESAGS division sang Capiz PPO para sa nagakaigo nga disposisyon.
