Ginserbihan sang warrant of arrest sang mga katapo sang Panitan PNP ang isa ka most wanted person kag sa karon nakahunong sa karsel sang Pontevedra Municipal Police Station.
Ginkilala ang akusado kay Sulpicio Devera, 51-anyos, residente sang Sitio Quiao, Brgy. Timpas, Panitan.
Ang warrant of arrest sa kaso nga paglapas sa Republic Act 9516 ukon Illegal Possession of Explosives ang gin-isyu ni Honorable Kristine B. Tiangco-Vinculado, RTC Branch 16, Roxas City napetsahan Agosto 9, 2023.
Wala naman sang piyansa nga ginrekomendar ang korte para sa temporaryo sini nga kahilwayan.
Matandaan nga nadakpan si Devera sa pagduso sang ilegal nga droga sa Barangay Tacas, Pontevedra sang nakaligad nga semana
Sa karon, nagapalibin sa gihapon sa kostudiya sang Pontevedra MPS ang akusado kag natalana nga igaturn-over sa iya court of origin.
