LEGAZPI CITY – Tinawan doon kan Albay Public Safety and Emergency Management Office an importansya kan Mobile Storage Unit o MSU na donasyon kan World Food Program o WFP kada bes na igwa nin kalamidad sa probinsya.
Segun kay APSEMO head Dr. Cedric D. Daep, an donasyon na ini, nagkakantidad nin P685,000 na dakulang tabang para sa mga relief operations sa probinsya antes, durante, asin makalihis an kalamidad.
Ini huli ta an MSU, sarong movable warehouse na idinisenyo nganing madaling madara sa kun sain man na lugar an totoong naapektaran kan kalamidad.
Makakatabang ini nganing mabawasan an emergency response costs asin masiyertong nasa marhay na area/ an mga relief goods na idadara sa mga apektadong lugar.
