NAPULO ka barangay ang apektado sa pagbaha sa Maitum, Sarangani Province tungod sa pag-awas sa tubig gikan sa Pangi ug Kalaong River gumikan sa ka kusog sa ulan nga nasinatian kagabii.
Gibutyag ni Rene Punzalan, labaw sa Provincial Disaster Risk Reduction and Management Office kun PDRRMO Sarangani, base sa ilang initial assessment mokabat sa 85 ka pamilya kun 485 ka indibidwal ang apektado sa pagbaha gikan sa 10 ka barangay duol sa Pangi ug Kalaong River ug karon gihiklin ang mga naasuyng pamilya sa municipal gym sa Maitum.
Samtang gibutyag usab ni Punzalan, nga usa usab ka tulay sa may Kalaong sa Maitum ang na-crack gumikan gihapon sa kakusog sa bul-og sa tubig baha hinungdan nga naglisod ang otoridad nga mabakwit ang apektadong pamilya. Gawas sa Maitum, apektado pud ang pipila ka bahin sa Kiamba ug Alabel, Sarangani Province sa pagbaha gumikan gihapon sa nasinatiang ulan. Nagtinabangay na ang rescue team sa Sarangani, Philippine Coast Guard, kapulisan, militar ug mga opisyales sa barangay aron mahikling ang mga apektadong pamilya sa baha.
Sa karon, gibutyag ni Punzalan, nahatagan na usab nila og pagkaon ug tabang ang mga apektadong pamilya nga nagtinir kagabii pa sa gymnasium.Sa GenSan, nakasinati usab og pagbaha ang mga low lying areas barangay ingon man ang mga nag-unang kadalanan tungod sa kusog nga pag-ulan. Ginasuta na usab kung may mga damyos sa kabtangan ug pananum ang nahisgutang pagbaha, nga resulta sa low pressure area. 📸 Lucena Resort White Water Tubing
