LEGAZPI CITY – Apat na centenarian mula sa probinsya ng Albay ang nakatanggap ng centenarian cash gift na nagkakahalagang ₱ 100,000.00 kada isa mula sa DSWD Region V.
Personal na pinuntahan Ms. Ruffa Banastao, DSWD V Centenarian focal sa mga lola at lolo na sina Socorro Salle ng Polangui; Amanda Cresencio ng Daraga; Josefa Boncacas at Isidro Cao ng Tabaco City.
Sa ilalim ng Republic Act No. 10868 s. of 2016, o ang Centenarians Act of 2016, ang lahat ng Pilipinong aabot ang edad sa 100 ay pagkakalooban ng pamahalaan ng Letter of Felicitation at ng halagang PhP 100,000.00.
Ito ay bilang pagkilala at pagbibigay respeto sa mga senior citizens na nakaabot ng 100 years at higit pa.
