Patay ro ap-at ka dag-on nga unga ag ninahan man ro mga ginikanan kat mabunggo it jeep ro motorsiklo nga ginasakyan it pamilya sa Brgy. Bungca, Barotac Nuevo.
Base sa deputy chief of police it Barotac Nuevo Municipal Police Station, ro motorsiklo hay ginamaneho ni Johnny Bernardo, 40, angkas nana ro anang asawa nga si Led Jane, 34, ag ro andang ap-at ka dag-on nga unga kat bigla ginbangga sa bypass road it jeep ro motroskilo.
Ginkilaea ro driver it jeep nga si Rex Araojo, 53, it Vista Alegre, Anilao.
Base kay Araojo, naduean imaw it kontrol sa manibela rason nga nabunggo raya sa motorsiklo.
Presente nga sa ospital ro mag-asawa. Samtang, nakadetain man sa police station ro driver it jeep ag nagaatubang sa kasong reckless imprudence resulting to Homicide and physical injury./JIL B. LACSON
