Ro probinsiya it Antique hay presente nga sa critical risk bangud sa pagtaas it mga kaso it mga indibidwal nga ginatamaan it COVID-19.
Base sa pinakaulihi nga rekord, nakalista ro pribnisya it 7,451 kabieogan nga kumpirmadong kaso, 1,135 ro aktibo, 6,020 ro nakarekober ag 296 eun ro namatay.
Ro 1,135 aktibong kaso hay naghalin sa mga banwa it San Jose (302), Hamtic (151), Sibalom (141), Bugasong (116), Culasi (59), Tibiao (56), San Remigio (55), Valderrama (41), Pandan (39), Tobias Fornier (29), Patnongon (28), Laua-an (22), Barbaza (15), Caluya (9), Libertad (9), Anini-y (5), ag Sebaste (3) .
Bangud sa pagtaas it mga kaso it COVID-19, nagtaas man ro two-week growth rate (TWGR) ag average daily attack rate (ADAR) it probinsiya.
Agud mapadayon ro health care utilization rate, ginmanduhan it lokal nga gobyerno ro 18 ka mga kabanwahan nga i-convert ro andang mga nagapanguna nga mga pasilidad bilang Temporary Treatment and Monitoring Facilities ag isolation centers sa may mga mild symptoms./JIL B. LACSON
