Ro mga caseload it COVID-19 transmission sa Aklan hay nagpakita it mga senyales nga mas nagataas pa raya umpisa pa ku nagtaliwan nga dominggo.
Ro mga kaso it COVID-19 hay nagaabot sa masobra 1,2005 sa sueod eamang it daywang dominggo halin sa 73 aktibong kaso ku Enero 7 hasta sa 960 nga kaso ku Enero 21.
Naabot eun ikt Aklan ro 14,000-mark sa coronavirus infection umpisa kat may pandemya, nga may kabieogan nga 14,101 katawo ro gintamaan it Covid-19 virus ku Biyernes.
Ro numero it mga naospital hay padayon man nga nagataas nga nagaabot sa 108 ku Biyernes, base raya sa Provincial Health Office-Aklan.
Maliban pa dikara, nakarekord ro mga otoridad it 873 bagong impeksyon umpisa Enero 14 hasta 21, 2022 nga may positivity rate nga 61.56%.
Ro Kalibo ro nakarekord it pinakamataas nga numero it mga aktibong kaso nga may 275, ginsundan it Malay nga may 130, Numancia nga may 82, Makato nga may 75, ag Banga nga may 61./JIL B. LACSON
