Gin-suhestyun makarun ni Gov. Rhodora J. Cadiao, ro pag ubra it bag-o ag tadlong nga karsada sa Igbucagay, Hamtic, Antique.
Raya hay para makalikaw sa disgrasya ro mga motorista ag pasahero sa area it Antique-Iloilo Highway.
Raya ro ginasueong nga permanenteng solusyon it gobernadora sa peligrosong kurbadang karsada sa Hamtic.
Bangud segun sa aeang-aeang nga paliko-likong desinyo it nasambit nga highway, maabu eon nga saeakyan ro nahueog ag maabu eonman ro namatay.
Ginpahayag pa ni Gov. Cadiao nga ku nagtaliwan pang dag on naghimo it resolusyon ro Regional Development Council it Western Visayas nga dapat taw-an it atensyon it DPWH ro problema sa nasambit nga national highway, pero hasta makarun hay owa gihapon it sabat ro nasambit nga ahensya sa RDC resolution.
Samtang, sa December 19 hay magapatigayun it Misa sa gintabuan it aksidente para sa mga namatay. // ANN DESLENE SALAZAR
