Madali eon lang nga umpisahan ro pagpaayos ag pagpanami sa Kalibo Pastrana Park.
Una makarun nga ginatutukan ro Water fountain nga Dungan nga paga buksan sa Opening of Lights sa Kalibo sa December 16, 2023 sa alas 7:00 it gabii.
Sa phase 2 nga nagabalor it 22 million pesos, kaeakip eon kara ro children’s playground nga siguradong magiging sentro it kasadya it mga unga, pagbutang it sound system, led wide screen, pag ayos it foot walks ag iba pa.
Sa makarun hay ginahueat pa it LGU Kalibo ro pondo para sa phase 3 para eubusan nga mabag o ro itsura it plaza para makadungan man sa pilang public plaza it mga nagapangunang syudad sa Pilipinas.
Sa nasambit nga plano nga gin-share ni Kalibo Mayor Juris Bautista Sucro, makita ro Bagong Kalibo Pastrana Park. // ANN DESLENE SALAZAR
