Halin sa daywa ka mga flights kada dominggo, gin-aprubahan eun it lokal nga gobyerno ro tatlo ka mga flights kada dominggo it Philippine Airlines (PAL) paadto sa probinsiya it Antique.
Presente nga ro PAL pa eang ro airline company nga may mga flight halin NAIA hasta Antique nga kayang magbaton it 60 pasahero kada pag-eupad.
Ro pagtaas it flights kada dominggo hay sabat sa pagdagsa it mga tawo nga gusto magbalik o mag-uli para sa maabot nga Holy week season kapin pa ag mas nageuwag ro mga travel requirements para sa inbound travel.
Ro tatlo ka mga flight kada dominggo hay magkabisa makarang Marso 27 ag matabo kada Miyerkules, Biyernes, ag Linggo./JIL B. LACSON
