Nalangkat kaganihang buntag, Hulyo 15, 2024, sa Rehiyon 7 ang gold nga medalya sa 3×3 basketball secondary girls human mapildi ang National Capital Region (NCR) sa 11-10 nga iskor sa championship game nga gipahigayon sa Hoops Dome, Lapu-Lapu City.
Emotional ang upat ka mga atleta nga sila Stephanie Paden, Jeanel Pontillas, Sofia Alexis Petalcorin, Ug Shairamee Armecin nga gikan sa Catmon Integrated School tungod kay wala na sila magdahum nga makab-ot pa nila ang kadaugan human nga gilata sila sulod sa lima ka minutos sa duwa.
Samtang wala usab ug kabutangan ang kalipay nga gibati sa ilang coach nga si Ariel Aying tungod kay wala usab siya magdahum nga magukod pa sa iyang mga players ang iskor tungod kay minuto nalang kapin ang nahabiling oras sa dihang nisugod sila ug pamuntos.
Dugang pa niya nga kini maoy unang salmot nila sa Palarong Pambansa ug mapasalamaton siya sa naabot sa iyang mga players. | Kristyl Joy Felerca
