GIIMBESTIGAHAN na sa buhatan sa mayor ang pagkatanggong sa sweldo sa Alternative Learning System (ALS) teachers, gireklamo sa mga magtutudlo ang unom kabulan nilang wala pagkadawat og sweldo.
Buot masayran sa buhatan sa mayor asa nag-ugat ang pagkatanggong sa dokumento sa mga ALS teacher nga miresulta sa pagkatanggong sa ilang sweldo.
Samtang sa pamahayag ni Isagani Dela Cruz, Schools Division Superintendent (SDS) wala usab siya nasayod kung asa na mipadulong ang mga dokumento sa mga ALS teachers. Apan sa impormasyon, gipabalik ang mga papeles nga gisumite sa mga als teacher gumikan sa sulat sa Commission on Audit (COA). Sa sulat sa COA, kung molapas na sa P10,0000 dili na kini makonsidera nga honoraria ug makonsidera na ang als teacher nga Job Order (JO) worker ilawom sa LGU.
Ang mga ALS teachers sa gensan ang nagatudlo sa mga out-of-school youth and adults lakip jail inmates, Persons With Disabilities,Indigenous Peoples, reformists, ug mga guest relation workers, sagad matag weekend. Kini ang special education program sa Department of Education (DepEd). I Richel Gubalani
