Labis ang pagka-shock at kalungkutan ng aktor na si Alec Baldwin matapos ang aksidenteng pagkakabaril sa cinematographer na si Halyna Hutchins gamit ang isang prop gin sa kanilang shooting sa New Mexico.
Kaugnay nito ay nakikipag-ugnayan si Baldwin sa asawa ng biktima at nag-alok na din siya ng tulong.
Sa tweet ni Baldwin, inihayag niya na durog ang kanyang puso para sa asawa, anak at mga nagmamahal sa biktima.
Tiniyak din ni Baldwin na nakikipagtulungan siya sa mga pulis para sa imbestigasyon sa aksidente.
Matatandaan na aksidenteng tinamaan ng baril si Hutchins sa set ng kanilang shooting kung saan mabilis naman itong naitakbo sa ospital gamit ang chopper pero namatay din ito dahil sa tinamong sugat.
