LEGAZPI CITY – Labi an kaugmahan ngunyan kan Schools Division Office kan Legazpi City makalihis na an saindang Senior Education Program Specialist in Planning and Research asin Book Author na si Dr. Santos Araña, nakaresibe nin pagbisto sa 9th Asia Pacific Luminare Awards.
Segun kay Araña sa intrevista kan Brigada News FM Legazpi, maogma siya nin huli ta napili siya bilang saro sa mga aawaradan sa prestihiyosong awarding sa bilog na Asya.
Sinabi pa niya, binibisto kan Asia Pacific Luminare Awards an mga indibidwal o mga kompanya sa Asya nin huli sa mga signipikante kaning kontribusyon sa mga komunidad ninda.
Mientrastanto, kaibahan ni Araña sa mga na-awardan an nagkapira sa mga bistadong personalidad sa telebisyon arog ni Dulce, Sheryl Cruz asin Sheryn Regis.
Pinasasalamatan man niya an gabos na nagin parte kan saiyang efforts nganing makaabot sa nasambit na prestihiyosong awards.
