LEGAZPI CITY – Liwat na pig-aabisuhan kan Albay Provincial Veterinary Office an gabos na mga pet owners sa probinsya na pabakunahan an mga ataman na hayop katakod kan saindang pig-oopresir na libreng bakuna.
Para sa mga mawot na magpabakuna kan saindang mga ataman via walk-in, magbisita sana sa saindang opisina sa Brgy. Cabangan, Camalig.
Dugang pa digdi, naghaharong-harong man sinda nganing magtao nin bakuna sa mga atamang mga hayop, alagad dapat siyertuhon nasa tulong bulan pataas an edad kan mga hayop na babakunahan, maray an salud asin darahon sana an Pet Registration Certificate na pig-isyu kan saindang barangay.