Malampuson ang gipahigayon nga Medical Legal and Social Services sa Provincial Government sa Negros Oriental sa Lungsod sa Vallehermoso kagahapong adlawa.
Nangulo sa pagpanghatag sa food packs si Negros Oriental Gobernador Chaco Sagarbarria,Mayor Mariane Gustilo ug La Libertad Mayor Emmanuel MM Limcaichong Iway alang sa mga residente sa Vallehermoso.
Matod pa ni Gobernador Sagarbarria nagdala siya ug mga walo ka doctor ug duha ka abogado aron makahatag ug legal advice sa mga individual nga nanginahanglan ug legal nga tubag.
Dugang pa ni Gobernador Sagarbarria dunay libreng Tupi,mga tambal,manicure pedicure, libre eyeglasses,livelihood ug uban pa nga mga serbisyo alang sa taga Vallehermoso.
