LEGAZPI CITY – Planong tutukan kan gobyerno-probinsyal kan Albay an pagpapagayon asin pagpapakusog kan Tourism Packages asin Assests kan probinsya.
Ini katakod pa kan pagbiyahe kan Albay delegation paduman sa China para sa sisterhood agreement sa Guizhou Province.
Segun kay Albay Governor Atty. Edcel Greco Lagman, kaiba subuot sa prayoridad ngunyan kan provincia, iyo an agresibong tourism packages asin pagpapakusog kan tourism assets kan Albay sa pangengenot kan Albay Provincial Tourism, Culture and the Arts Office (PTCAO).
Plano pa kan gobernador na magrekomendar nin mga bagong policy measures para sa tourism development na tutugunan kan Sangguniang Panlalawigan kan Albay (SPA).
Pigpapakaskas naman subuot kan saindang opisina na magibo an plano kaining pagpapatugdok kan Albay Mission Office asin pagkakaigwa nin Albay International Convention Center na pangengenotan man kan Provincial Planing and Development Office (PPDO).
