GIKUMPIRMA sa Deputy Chief sa Alabel PNP nga nakatala sila og usa lang ka firecracker related Injury sa pagsugat sa bag-ong tuig.
Sumala kay Police Captain Jonie Ocampo nga ang taga Department of Health ang nagadeklara sa mao nga hitabo human nga nadala sa tambalanan ang usa ka bata nga nagpabuto og improvised nga lantaka sa ilang pinuy-anan sa munisipyo sa Alabel, Sarangani Province.
Nadala daw ang batang lalaki sa tambalanan sa probinsya gumikan adunay irritation sa iyang mata gumikan sa lantaka apan nahimo nga out patient.
Gidugang ni Ocampo nga sa ubang mga pabuto walay natala nga nasamdan sukad sa pagsugat sa Kapaskuhan ug bag-ong tuig.
Sa karon padayon ang panawagan sa kapulisan ngadto sa katawhan nga kon mahimo likayan ang pabuto. I Ver Diazon
